AP-1
Iparraldeko autobidea
Ongi etorri AP-1era, Araba zeharkatzen duen Iparraldeko Autobidera. Etxabarri-Ibiñatik (Vitoria-Gazteiz) Gipuzkoako mugaraino doan 14,2 km-ko ibilbidea kudeatzen dugu, bidaia guztietan zure erosotasuna eta segurtasuna bermatzeko teknika aurreratuenak aplikatuz.
Bidesariak eta Tarifak
AP-1 erabiltzeak errepide honen mantentze-lanetarako eta finantzaketarako bidesaria ordaintzea dakar. Etxabarri-Ibiña eta Lukoko sarbideetan, VIA-T bidesari elektronikoaren sistema erabil dezakezu gelditu gabe eroso ordaintzeko eta diru-laguntzen programak eskaintzen dituen deskontuak eskuratzeko.
Ibilbidea
Ap-1 autobideak Burgos eta Irun lotzen ditu. Araban, autobideak 14,2 kilometroko zatia du, eta bi tunel ditu barne: Luko tunela (620 metro) eta Isuskitzako tunela (3,4 kilometro, EAEko luzeena).
Garraio bereziak
AP-1ean ibilgailu bereziak gidatu behar badituzu (tamaina, pisua eta abar direla eta), baimen berezi bat eskatu behar duzu. Baimen hauek kudeatzen ditugu ibilgailu guztien segurtasuna bermatzeko.
Lanak martxan
Armiñóngo aldagunean lanak egiten ari dira AP-1 eta A-1 arteko lotura hobetzeko. Lan horien artean, Burgos-Madril lotura errei batetik bitara zabaltzea dago, trafiko puntako orduetan auto-ilarak murrizteko helburuarekin.
Hobekuntza hauek 2025eko hasieran zerbitzuan jartzea espero da.
Bide segurua, urteko 365 egunetan
Zure lasaitasuna da gure lehentasuna. Horregatik, baliabide tekniko eta giza baliabideen talde osoa dugu autobidea beti egoera ezin hobean dagoela ziurtatzeko.
24 orduko zaintza
Gure kontrol zentrotik, talde batek autobidearen egoera kontrolatzen du eguneko 24 orduetan, edozein gorabeherari berehala erantzun ahal izateko.
Gure kontrol-zentrotik, arlo horretan aditua den talde batek autobidearen egoera denbora errealean gainbegiratzen du, eguneko 24 orduz eta urteko 365 egunetan. Teknologia aurreratuari eta berehalako erantzun-protokoloei esker, edozein gorabehera azkar antzemateko eta erantzuteko prest gaude, zure segurtasuna eta trafikoaren jarraitutasuna uneoro bermatzeko.
Neguko bidezaintzako baliabideak AP-1ean
Elurrari aurre egiteko prest gaude, izotza saihestu eta mugikortasuna uneoro bermatzeko.
Gatzun-hedagailuak dituzten elurra kentzeko ibilgailuak eta gatz nahiz gatzun biltegiak ditugu, esku-hartze azkar eta eraginkorra ahalbidetzeko.
